Joli og Rob hafa eytt stórum hluta af sínu sambandi fjarri hvort öðru. Þau hittast hins vegar reglulega og þá passa þau upp á að taka alltaf sömu myndina, sama hvar þau eru stödd í heiminum.
Joli sem er frá Filippseyjum og Rob sem er frá Bandaríkjunum velja mismunandi lönd og borgir til þess að hittast í. Myndirnar sem þau taka eru hluti af því að takast á við fjarlægðina en það líður nokkuð á milli þess að þau geti kysst og faðmað hvort annað.
Á heimasíðu þeirra segir að þau hafi byrjað á siðnum árið 2013. Á þeim tíma segja þau að margir hafi verið að taka myndir af sér hoppandi, þau ákváðu því að búa til sína eigin stellingu. Þau kalla hana „dipkiss“ eða dýfukossinn.
Ef Instagram þeirra hjóna er skoðað má sjá hvernig Rob smellir einum rembingskossi á Joli hvort sem þau eru á strönd, uppi á fjalli eða á miðjum þjóðvegi.