Ástæðan fyrir því að fólk stundar lítið sem ekkert kynlíf geta verið margar. Þreyta og mörg verkefni sem bíða er kannski það fyrsta sem kemur upp í hugann. Kynlífsráðgjafinn Mary Jo Rapini hefur sína skoðun á ástæðunum fyrir því að fólk hefur minni kynlöngun en áður eins og hún fór yfir í grein Women's Health.
Þú ert í fýlu
Það er erfitt byrgja inni tilfinningar eins og reiði gagnvart maka og á sama tíma langa til að stunda kynlíf með honum. Rapini mælir með því að fólk í þessari stöðu geri eitthvað skemmtilegt saman og tali síðan um vandamálið.
Þér líður ekki vel með líkamann þinn
Fólk á það til að forðast það að stunda kynlíf ef makinn sagði eitthvað um líkamann sem særði eða af því fólk er ekki nógu ánægt með líkamann á sér. Hér er ekki málið að hlaupa í ræktina eða taka út allan sykur heldur að æfa sig í að vera ánægður með sjálfan sig.
Hoppa úr einu sambandi í annað
Fólk verður ekki endilega betra í rúminu eftir því sem tala bólfélaga hækkar. Fólk sem er alltaf að hitta nýja og nýja manneskju sýnir oftast bara meðalframmistöðu í kynlífi. Líklegt er að sú manneskja sé hrædd við að vera náin annarri manneskju.
Fjöldi bólfélaga segir ekki alla söguna.
mbl.is/Thinkstockphotos
Ertu að kenna pillunni um?
Rapini segir að það sé auðvelt að kenna hormónatöflum um minni kynhvöt. Getnaðarvarnir með hormónum hafa hins vegar ekki svo mikil áhrif á kynhvötina og líklegt er að fólk þurfi að kafa dýpra en í lyfjaskápinn til að finna ástæðu fyrir vandamálinu.
Hann er að horfa á aðrar konur
Konur eru oftast ekki hrifnar af því að hoppa upp í rúm með mönnunum sínum ef þeir eru að gefa öðrum konum auga. Í slíkum tilfellum ætti að tala um vandamálið.
Læknisfræðilegar ástæður
Í sumum tilfellum getur ákveðin lyf eða jafnvel læknisfræðileg vandamál verið ástæðan fyrir því kynhvötin er lítil. Ef engin vandamál eru í sambandinu og fólk finnur fyrir breytingu á til dæmis skapi eða lyst ráðleggur kynlífsráðgjafinn fólki að hafa samband við lækni.
Hann er ekki góður í rúminu
Rapini segir að margar konur á milli þrítugs og fertugs kvarti yfir því að mennirnir þeirra séu góðir eiginmenn og feður en ekki frábærir í rúminu. Þá er mikilvægt fyrir konurnar að segja hvað þær vilji í svefnherberginu.
Þið hafið verið saman lengi
Rapini segir að fleiri konur en karlar verði leiðar í langtímasamböndum. Í slíkum samböndum er gott að reyna krydda hversdaginn með því að fara á stefnumót eða jafnvel nýta sér hjálpartæki í ástarlífinu.