Par í Bandaríkjunum sem var að ferðast heim fyrir þjóðhátíðardaginn lenti í nokkuð skemmtilegu atkviki í flugvélinni. Þau fengu ekki sæti saman en báðu konu að skipta við sig svo þau gætu setið saman. Þegar þau höfðu skipt um sæti spjallaði parið um að kannski myndi konan lenda við hliðina á sálufélaga sínum.
Þegar allir höfðu komið sér fyrir í vélinni tók parið eftir að nokkuð myndarlegur maður hafði sest við hlið konunnar og að þau voru farin að spjalla. Parið, Rosey Beeme og Houston Hardaway, ákvað því að fylgjast betur með þeim og settu alla sólarsöguna á Instagram og Twitter.
Sagan hefur farið á flug á samfélagsmiðlum og hefur myndarlegi maðurinn, Euan Holden, stigið fram og sagt að hann hefði tekið eftir að þau væru að fylgjast með þeim. Konan heppna hefur þó ekki stigið fram en Rosey Blair sagði á Instagram að hún væri í samskiptum við hana. Það er óvíst hvað framtíðin ber í skauti sér en Holden og konan eltu hvort annað á Instagram í flugvélinni.