Vilt þú stunda kynlíf á kvöldin en maki þinn á morgnana? Löngun fólks til þess að stunda kynlíf er misjöfn og kynlífsklukka kvenna og karla slær ekki eins. Það að makinn sé ekki til í tuskið á sama tíma og þú hefur ekkert sérstaklega að gera með hversu æsandi þú ert.
Women's Health greinir frá rannsókn Lovehoney á 2.300 manns þar sem kom í ljós að flestir karlmenn vilja stunda kynlíf á milli sex og níu á morgnana en konur vildu frekar stunda kynlíf á milli klukkan ellefu á kvöldin og tvö á nóttinni.
Til þess að vera enn nákvæmari voru menn líklegastir til þess að vilja stunda kynlíf klukkan sex mínútur í átta á morgnana en konur klukkan 21 mínútu yfir 11 á kvöldin. Mismunur á milli kynja kann að vera vegna ólíkra hormóna karla og kvenna.