Sögur af slæmum kynlífsóhöppum koma gjarnan upp svo enginn þarf að óttast að vera einn um það að hafa lent í vandræðalegum atvikum uppi í rúmi eða á slysadeild. Men's Health greinir frá nýjum þræði á Reddit þar sem heilbrigðisstafsfólk lýsir meðal annars því versta.
Einn sjúkraflutningamaður sagðist oft hafa komið að svokölluðu brotnu typpi. Í þeim tilvikum var alltaf grannur maður með stærri konu ofan á sér sem í flestum tilvikum ætti að vera í lagi en ekki þegar kynlífið er of harkalegt.
Stundum heyrast sögur af því þegar ákveðnir hlutir festast inni í fólki. Þetta átti einmitt við í tilviki sjúklings sem festi titrara konu sinnar inni í sér þegar konan var út úr bænum að sögn læknis.
Bróður hjúkrunarfræðings fannst ekki leiðinlegt að rifja upp söguna þegar bóndi á sextugsaldri kom inn á bráðamóttöku með kúrbít uppi í rassinum á sér. Reyndi bóndinn að halda því fram að hann hefði dottið nakinn af traktornum og á kúrbít.
Netverji sem var í sambandi með geislafræðingi greindi frá manni sem náði að koma hendinni á sér upp í rassinn á sér. Það tókst ekki betur en svo að maðurinn meiddi sig næstum því illa í öxl og baki og braut á sér úlnliðinn.
Fyrrverandi starfsmaður á slysadeild greindi frá því að kona hefði komið inn öll ötuð í blóði frá munni og niður. Á hún einungis að hafa sagt að það væri ekki hennar. Stuttu seinna kom kærastinn inn. Í ljós kom að það er ekki alltaf sniðugt að þiggja munnmök undir stýri.