Pabbi færði allar eignir yfir á konuna sína

Íslenskur karl er ósáttur við pabba sinn eftir að hann …
Íslenskur karl er ósáttur við pabba sinn eftir að hann færði allar eignir sínar yfir á eiginkonu sína. Ljósmynd/Unsplash

Sævar Þór Jónsson lögmaður/MBA svarar spurningum lesenda Smartlands. Hér fær hann spurningu frá manni sem býst ekki við að fá arf. 

Sæll Sævar. 

Varðandi arf, þá skildu foreldrar mínir og ég mun ekki erfa föður minn. Hann fór þá leið að setja allar eignir sínar á sína seinni konu til að koma í veg fyrir að ég fengi eitthvað. Þannig að það er hægt að komast að því að greiða börnunum úr fyrra hjónabandi arf. 

Kveðja, J

Sævar Þór Jónsson lögmaður/MBA.
Sævar Þór Jónsson lögmaður/MBA.

Sæll,

Almennt er mönnum frjálst að ráðstafa eignum sínum með lífsgjöfum þó svo að með þeim hætti rýri maður efni sín allmjög og þar með skert verulega þau verðmæti sem ganga munu í arf eftir hann. Tilvonandi erfingjar verða að jafnaði að sætta sig við þessa gerninga. Heimildir erfingja til að tempra hið stórfellda örlæti er því harla takmarkað. Þeir eiga þó þann kost, sé gjafmildi komin vel yfir mörk hins eðlilega og að það sé til þess fallið að skerða fjárhag aðila verulega, að krefjast þess fyrir dómi, að hann verði sviptur fjárræði eða gripið til annarra úrræða sem lögræðislög nr. 71/1997 mæla fyrir um. Þess skal þó sérstaklega getið að framangreind úrræði eru býsna ósennileg til ávinnings ef grundvöllur þeirra er fyrst og fremst skert arfsvon.  

Kveðja, 

Sævar Þór Jónsson lögmaður. 

Liggur þér eitthvað á hjarta? 

Þú getur sent Sævari spurningu HÉR. 

mbl.is
Fleira áhugavert
Fleira áhugavert

Spurt og svarað

húðlæknir á Húðlæknastöðinni svarar spurningum lesenda

sálfræðingur á Sálfræðistofunni Sálarlíf svarar spurningum lesenda

einstaklings- og fjölskylduráðgjafi svarar spurningum lesenda

Klínískur félagsráðgjafi hjá Lausninni

hjúkrunar- og kynfræðingur svarar spurningum lesenda

svarar spurningum um lögfræðileg mál