Alda B. Guðjónsdóttir stílisti kann að búa til jólakort. Hún er þaulvön sjálf að finna áhugaverð viðfangsefni og segir þetta um jólakortahefðina á heimilinu: „Við erum öll mjög skapandi. Og jólakortin hafa verið stór hluti af undirbúningi jólanna hjá okkur. Við höfum vanalega tekið spjall eina kvöldstund þar sem við ákveðum þema myndatökunnar saman. Það má ekki kosta miklu til, heldur verðum við að nota ímyndunaraflið og það sem hefur áhrif á okkur á hverjum tímapunkti.“
Börn Öldu eru þau Ágúst Ari Þórisson, Júlía Tómasdóttir og tvíburarnir Ísak Eldar og Mikael Elí. Ágúst Ari er í kvikmyndaskóla og Júlía er stílisti og gaf nýverið út bókina Seen zine.
Fjölskyldan hefur sett upp síðustu kvöldmáltíðina, hefur verið útfaraþjónustufjölskylda frá sjötta áratugnum og endurgert svipmynd úr Star Wars svo eitthvað sé nefnt.
Við hlökkum til að fylgjast með jólakortum þessarar fallegu fjölskyldu í framtíðinni.