Guðrún Ingibjörg Þorgeirsdóttir, læknir á bráðamóttökunni og Haukur Smári Hlynsson hjúkrunarfræðingur gengu í hjónaband 19. júní síðastliðinn.
Guðrún Ingibjörg er með áhugaverða síðu á Instagram sem heitir Dr. Lady Reykjavík og segir hún ástæðuna meðal annars þá að breyta staðalímynd samfélagsins um lækna. Hún hefur deilt skemmtilegum myndum af undirbúningi brúðkaupsins og ef marka má ljósmyndirnar áttu brúðhjónin fallegan brúðkaupsdag á Siglufirði.
Hún var í viðtali nýverið þar sem hún fjallaði um tilveru lækna og að þeir væru eins og annað fólk.
„Staðalímyndin af læknum var áður svolítið þannig að læknar væru dag sem nótt á spítalanum og sinntu varla fjölskyldu eða áhugamálum. Vissulega koma tímabil þar sem maður vinnur langar tarnir en almennt ætti enginn að þurfa að fórna einkalífinu til að vera góður læknir. Ég held að flestum, séstaklega yngra fólki, finnist gott að sjá að læknar og heilbrigðisstarfsfólk eiga sér líf utan læknisfræðinnar líka.“
Smartland óskar brúðhjónunum innilega til hamingju með ráðahaginn.