Augabrúnirnar eru ekki eineggja tvíburar

Augabrúnirnar eru tvær, við viljum hafa þær eins en samt virðist önnur yfirleitt vera betri og flottari en hin. Snyrtifræðingur stjarnanna, Tonya Crooks, fór yfir það af hverju augabrúnirnar eru eins og systur en ekki eineggja tvíburar. 

Crooks hefur snyrt konur á borð við Megan Fox, Evu Mendes og Fergie en hún bendir á aðrar ástæður en þær augljósu þar sem það er ekki bara þéttari hárvöxtur sem skiptir máli. Samkvæmt henni eru það mismunandi vöðvahreyfingar sem stýra augabrúnunum. Stundum er ástæðan á hvorri hliðinni fólk sefur en það getur gert það að verkum að vöðvarnir á annarri hliðinni séu veikari en á hinni.

Megan Fox. mbl.is/AFP

Ástæðan fyrir mismunandi vöðvahreyfingum getur líka verið hvernig þú tjáir þig með svipbrigðum. Fólk lyftir gjarnan einungis annarri augabrúninni. 

Hægt er að láta augabrúnirnar líta út fyrir að vera jafnar, eða jafnari með til dæmis farða. Svo er líka hægt að taka augabrúnunum eins og þær eru. Þetta er nefnilega ekki það eina sem tilheyrir líkamanum sem er ekki jafnt, fætur okkar eru oft misstórir sem og brjóstin en annað brjóstið er iðulega aðeins stærra en hitt. 

Eva Mendes lyfir annarri augabrúninni þar sem hún stillti sér upp með barnsföður sínum Ryan Gosling. mbl.is/AFP

• Blogga um frétt