Viltu klæða þig eins og ballerína?

Ef þú vilt klæða þig dagsdaglega í anda ballerínu þá eru atriði sem þú þarft að hafa í huga sem skipta máli.

Snúður í hárið

Fallegt uppsett hárið er einkennismerki ballerínunnar. Best er að hver og ein kona finni hvað klæðir hana best. Mikið hefur verið um háa snúða undanfarið sem gerir mikið fyrir andlit kvenna. Lágur snúður er einnig fallegur. Best er að prófa sig áfram með þetta.

Lágur snúður er málið um þessar mundir. Ljósmynd/skjáskot Pinterest.

Skór í anda ballerínunnar

Klassískir ballettskór fást víða, eða skór í þessum anda. Ef þú átt klassíska lágbotna skó í lögun ballettskónna getur þú saumað borða í hliðarnar og bundið upp á kálfana.

Skór frá Alberta Ferretti eru í anda ballerínunnar. Sjáðu hvað er auðvelt að sauma borða inn í hvaða skó sem er. Ljósmynd/Alberta Ferretti.

Pils

Hvort sem við viljum stutt pils eða sítt, þá er ballerínupilsið sígilt. Fallegt er að hafa það í ljósum lit í sumar.

Guðdómlegir litir frá Chloe. Ljósmynd/Chloe.

Bundin peysa

Fallegar bundnar peysur eru vinsælar allan ársins hring. Mundu að binda hana þétt og mynda þessa beinu línu frá hnakka niður í gólf. Líkt og ballerínan gerir allan daginn.

Falleg bundin peysa frá Asos. Ljósmynd/Asos.

Tod´s með balletttískuna á hreinu. Ljósmynd/Tod´s.

Klassískur ballett hefur haft áhrif á tískuna í gegnum áratugina. Mbl.is/Thinkstockphotos.

• Blogga um frétt