Í buxum við jakkann í þetta skiptið

Meghan hertogaynja af Sussex og Harry Bretaprins hafa verið dugleg að klæða sig í stíl að undaförnu. Meghan klæddist útvíðri buxnadragt þegar þau Harry heilsuðu upp á veik börn sem hlutu viðurkenningu fyrir hetjulega baráttu sína í veikindum sínum í gær, þriðjudag. 

Harry og Meghan voru bæði í síðbuxum en buxur Meghan voru þó útvíðar. AFP

Prinsinn er duglegur að klæðast jakkafötum en svo virðist sem hertogaynjan hafi einnig tekið ástfóstri við jakkafataútlitið. Í síðustu viku vakti hún mikla athygli fyrir að klæðast stuttum kjól frá Judith & Charles sem leit út fyrir að vera eins og síður jakkafatajakki. 

Jakkafatakjóllinn var í styttra lagi fyrir meðlim bresku konungsfjölskyldunnar að mati einhverra. Hvort sem gagnrýnisraddirnar höfðu úrslitaáhrif á valið á buxnadragtinni frá Altuzarra sem Meghan klæddist í gær skal þó látið ósagt. 

Frétt af mbl.is

Harry og Meghan mættu í stíl

Harry og Meghan voru í stíl þann 29. ágúst. AFP

• Blogga um frétt