Leikkonan Blake Lively hefur vakið mikla athygli undanfarnar vikur við kynningu á nýrri kvikmynd. Ástæðan er sú að hún lætur bara sjá sig í jakkafötum eða buxnadrögtum eins og klæðnaðinum er lýst þegar konur eru annars vegar.
„Myndir þú skrifa um mann sem klæðist mörgum jakkafötum á kynningartúr? Svo af hverju getur kona það ekki? Segi bara svona,“ skrifaði Lively til bloggara samkvæmt E!. Finnst leikkonunni þetta merki um tvöfalt siðgæði. Með því að vekja athygli á öllum þessum skrifum vill hún hvetja konur til þess að gera það sem menn gera án þess að vera strítt fyrir það.
Frægar konur hafa verið duglegar að skipta út kjólum út fyrir buxnadragtir með góðum árangri eins og sjá má á myndum hér fyrir neðan.