Ekki bara hortugheit og klækir

Fyrstu myndir af forsetafrúnni Claire Underwood í þáttunum House of Cards, sem leikin er af Robin Wright, benda til þess að búningahönnuður þáttanna hafi þurft að skerpa línurnar fyrir þessa þáttaröð.

Frú Underwood hefur veitt konum um allan heim innblástur þegar kemur að fatavali. Í þáttunum hefur hún alltaf klæðst vel sniðnum fötum úr góðum efnum. Nú viðist sem búningahönnuður þáttanna, Kemal Harris, hafi lagt sérlega mikið á sig til að ná fram ákveðnu útliti. Hún er þó meira en búningahönnuður þáttanna því hún er persónulegur stílisti leikkonunnar Wright. Í þessari sjöttu seríu af House of Cards er frú Underwood orðin forsetafrú Bandaríkjanna og það kallar á aðeins öðruvísi klæðaburð, en samt ekki. 

„Við göntuðumst með það á setti að Claire Underwood væri í sömu fötunum og leikkonan Robin Wright væri búin að klæðast síðan á menntaskólaárunum,“ segir Harris í viðtali við Vogue. 

Hún segist hafa sótt innblástur inn klæðnað kvenna í seinni heimstyrjöldina þegar hún hannaði búninga þessarar þáttaraðar. Hún lagði mikla áherslu á að fötin væru algerlega klæðskerasniðin og það væri ekki ein einasta misfella. Ermahnappar eru líka mikið notaðir og settir á nánast hverja einustu flík, bara með mismunandi hætti. Yfirdekktir hnappar sjást líka og belti í sama lit og fötin, bara með sylgju. Fötin eru flest svört, ólívugræn eða blá. Og formin eru kvenleg, níðþröng og sýna vel vaxtarlag leikkonunnar. 

Tískuáhugamenn til sjávar og sveita eiga án efa eftir að læra eitthvað nýtt við áhorf þáttanna annað en hortugheit og klæki.