Köttur nokkur stal heldur betur athyglinni á tískusýningu Esmond í Istanbúl á dögunum þegar hann rambaði óvænt á sýningarpallinn. Það má því segja að tískupallurinn hafi borið nafn með rentu í þetta skiptið, en tískupallar eru gjarnan kallaðir „catwalks“ á ensku.
Kisi átti heldur dramatíska innkomu þar sem hann stoppaði til að byrja með, settist niður og sleikti feld sinn. Þegar hann var orðinn hreinn og fínn hélt hann göngunni áfram og stoppaði við endann á pallinum, fyrir ljósmyndarana.
Að lokinni sýningunni var hönnuðurinn Hakki Ali spurður hvort kisi ætti framtíðina fyrir sér í tískuheiminum. Ali svaraði „Kannski, af hverju ekki?“ Hér fyrir neðan má sjá frammistöðu kattarins.