Lærðu að farða þig eins og Kardashian

Húð

Áferð húðarinnar var mött og þekjan mikil. Þegar um smokey-förðun er að ræða er mikilvægt að jafna út allar misfellur í húðinni svo athyglin haldist á augunum. Þekjandi hyljari er svo notaður undir augun en misjafnt er hvort hyljari sé notaður fyrir eða eftir ásetningu dökkra augnskugga. Ef þú notar hyljara fyrir skaltu festa hann með lausu púðri en púðrið mun einnig grípa púðuragnir frá augnskugganum. Ef þú setur hyljarann á eftir augnskugganum skaltu fyrst hreinsa svæðið undir augunum og svo seturðu hyljarann.

Estée Lauder Double Wear. 7.499 kr.

By Terry Hyaluronic Hydra Power. 7.500 kr.

MAC STudio Fix 24-Hour Concealer. 3.790 kr.

Augu

Það er hægt að aðlaga smokey-förðunina sínu skapi með misáköfum litatónum. Ef þú ert með mjög ljósa húð getur verið sniðugt að einblína á brúna tóna í stað svartra til að fá mýkri fókus. Notaðu ljósan augnskugga undir augabrúnirnar og farðu svo með millibrúnan augnskugga í glóbuslínuna og blandaðu vel allar línur. Dekksta augnskuggann skal svo bera vel við rót augnháranna og upp að glóbuslínunni og í lokin skaltu nota hreinan augnskuggabursta til að blanda allar línur. Notaðu augnblýant inn á vatnslínu augnanna en Shiseido Kajal Ink Artist Pencil er vatnsheldur augnblýantur sem kemur einnig með augnskugga á öðrum endanum svo hann er fullkominn í smokey-förðun.

Smashbox Cover Shot Eyeshadow Paletta. 4.699 kr.

Shiseido Jajal Ink Artist Pencil. 3.499 kr.

Chanel Le Volume Révoloution De Chanel. 5.999 kr.

Varir

Þegar augnförðunin er áberandi er það góð regla að hafa hlutlausan varalit á móti. Í þessari förðun voru útlínur varanna áberandi með brúnum varalitablýanti og svo ljós varalitur settur yfir.

Urban Decay 24/7 Glide-On Lip Pencil. 2.699 kr.

Urban Decay Vico Lipstick (Unicorn). 2.990 kr.

Kinnar

Notaðu fyrst sólarpúður til að fá aukna hlýju í andlitið og svo náttúrulegan kinnalit sem tekur ekki athyglina frá augnförðuninni.