Sami maginn, ótrúlegur munur á myndum

Ekki er allt sem sýnist á samfélagsmiðlum eins og Instagram. Þetta sést vel á samsettri mynd sem ástralski fitness-áhrifavaldurinn Emily Skye birti. Skye sem á eitt barn er í ótrúlega góðu formi en líkami hennar ber þó þess merki að hafa gengið með barn. Á ákveðnum myndum virðist hún vera með rennisléttan maga en á öðrum ekki. 

Skye ákvað að sýna tvær myndir af sér í sömu aðstæðum og fötum til þess að sýna hvað líkamsstaða, lýsing og hvort hún spenni vöðvana eða ekki hefði mikið að segja um hvernig hún birtist á Instagram. Segir hún fólk hafa sakað sig um að breyta húð sinni í myndvinnsluforriti. 

Þegar Instagram-síða Skye er nánar skoðuð sést hvernig hún birtir bæði myndir af sér sem sýna húð hennar vel eða hvort hún stilli sér upp þannig að líkami hennar virðist hreint ekki hafa gengið með barn. Segist hún vera stolt af líkama sínum, sama hvort um sé að ræða aukahúðina eða hvernig líkami hennar getur falið hana. 

• Blogga um frétt