Harry og Meghan voru vel klædd þegar þau heimsóttu bæinn Birkenhead á Englandi í gær, þriðjudag. Vel sást í myndarlega óléttukúlu hertogaynjunnar í þröngum fjólubláum kjól sem hún klæddist í heimsókninni en Meghan er sögð hafa ljóstrað því upp að hún ætti von á sér í apríl.
Samkvæmt Daily Mail er kápan sem er frá kanadíska merkinu Sentaler talin ný í safni Meghan og kostar 1.085 pund eða um 170 þúsund íslenskar krónur. Meghan hefur þó áður sést í eins kápu en á jólunum árið 2017 var hún í eins kápu brúnni á litinn.
Fjólublái kjóllinn með klaufinni frá Babaton by Aritizia var hins vegar ódýrari og sagður kosta einungis 107 pund eða um 16 þúsund krónur. Rauðu hælarnir fullkomnuðu síðan útlitið.