Vertu stjarnan á þorrablótinu!

Ef það er eitthvað sem getur hresst fólk við í frekar tíðindalausum janúar þá er það að fara á gott þorrablót. Gleyma því um stund að þú sért að spara eftir vísafyllirí desembermánaðar og sért í aðhaldi eftir jólin.

Til þess að vera stjarnan á þorrablótinu væri ekki úr vegi að klæða sig upp. Fara í pallíetturnar sem þú keyptir þér fyrir jólin en nenntir svo ekki að klæðast í jólaboðinu, blása á sér hárið, naglalakka sig og setja á sig varalit.