Það er alltaf gleðiefni þegar nýr ilmur kemur á markað, eða allavega fyrir þá sem elska góða lykt og finnst gott að úða aðeins á sig. Nýjasta afurð Lancôme er ilmurinn Idôle. Hann er kraftmikill og heillandi og passar einstaklega vel fyrir nútímakonur. Það kemur því ekki á óvart að andlit ilmsins sé hin 22 ára Zendaya. Hún er ein áhrifamesta leik- og söngkona í heiminum í dag. Hún er með yfir 60 milljónir fylgjenda á samfélagsmiðlum og er afar eftirsótt. 

Lancôme segir að ilmurinn sé sérhannaður fyrir nútímakonur sem eru alveg lausar við hefðbundnar hugmyndir um ilmi og hafi líka allt annan skilning á árangri, hvort sem það kemur að vinnu eða snyrtivörum.

Í Idôle má finna rósailm sem samsettur er úr fjórum rósum sem eru ræktaðar á samyrkjubúi. Rósailmurinn er ferskur og náttúrulegur. Í ilminum er líka tandurhrein Jasmína og hvítur chypre keimur sem umvefur þann sem úðar á sig.

Shyamala Maisondieu, Nadège Le Garlantezec og Adriana Medina eru konurnar á bak við ilminn. Maisondieu tókst að finna gott hlutfall milli rósa og jasmínu og Garlantezec er mjög nákvæm og vandvirk. Hún gerði óteljandi próf til að finna rétt hlutföll á milli patchouli og musks sem færði Idôle ilmmikinn og endingargóðan chypreilm. Á sama tíma skapað Medina geislandi og aðlaðandi opnun í toppnótunni með hressandi bergamot sem lyftir ilminum upp í hæstu hæðir.

Smartland ætlar að gefa einum heppnum lesenda ilminn. Það eina sem þú þarft að gera er að birta mynd af þér á Instagram með #smartlandmortumariu

Á morgun verður svo ilmurinn kynntur í Smáralind með pompi og prakt kl. 17.00 og eru lesendur Smartlands hjartanlega velkomnir.