Meghan mætti til vinnu í dag eftir fæðingarorlof og kynnti nýja fatalínu sína sem á að hjálpa konum að komast út á vinnumarkað aftur. Meghan var sjálf klædd í skyrtu og buxur úr línunni þegar hún kynnti fatalínuna með armband og eyrnalokka úr safni Díönu prinsessu. 

Í fatalínunni eru venjuleg föt sem passa vel í vinnu. Þetta eru meðal annars einfaldar flíkur á borð við hvítar skyrtur, svarta jakka, svartar buxur og kjóla. Sjálf var Meghan í hvítri skyrtu úr línunni sem vinkona hennar Misha Nonoo hannaði og í svörtum buxum frá Jigsaw. Skyrtan kostar 125 pund eða um 20 þúsund krónur og buxurnar 120 pund eða um rúmlega 18 þúsund krónur. Skórnir voru öllu dýrari enda frá Jimmy Choo og ekki hluti af línunni.  

Verkefnið er góðgerðarverkefni að því leyti að þegar fólk kaupir eitthvað úr línunni sem hannað er af Jigsaw, John Lewis, Marks & Spencer og vinkonu hennar Mishu Nonoo eru föt gefin til góðgerðarverkefnis sem lánar konum föt til þess að fara í atvinnuviðtöl. 

Meghan var í fötum í eigin línu. mbl.is/AFP

Tengdar fréttir

Kóngafólk í fjölmiðlum

Ný stytta afhjúpuð af Elísabetu II. drottningu

• Lúðvík prins fagnar sex árum
• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni

» Fleiri tengdar fréttir

• Blogga um frétt