Bandaríska forsetadóttirin, Ivanka Trump, skartaði 64 milljóna króna demantshring sinn á fundi World Economic Forum í Davos nýverið. Fjölmiðlar hafa verið duglegir að fjalla um hringinn, og þá aðallega ástæðu þess að hún hafi lítið sést með hann á undanförnum árum.
Ivanka Trump trúlofaðist fasteignaerfingjanum Jared Kushner og fékk hringinn við það tilefni á sínum tíma. Þau giftu sig við hátíðlega athöfn árið 2009 og eiga nú þrjú börn saman.
Demanturinn í hringnum sem talið er að sé yfir 5 karata þykir frekar hógvær að stærð miðað við stétt og stöðu parsins ef marka má vefsíðu Express um málið. Hún á að hafa hannað hringinn sjálf en Kushner valdi demantinn í hann.
Getgátur hafa verið uppi um af hverju hún hefur lítið sést með hringinn á síðastliðnum þremur árum. Talið er að hún vilji ekki vera með of stóra skartgripi í hlutverki sínu sem ráðgjafi forsetans.
Stjúpmóðir hennar, forsetafrúin Melania Trump, ku hafa fengið trúlofunarhring frá Donald Trump, með demanti, sem metinn er á rúmlega 400 milljónir íslenskra króna. Sá hringur er talinn vera 15 karata og í góðu samræmi við auðæfi fjölskyldunnar ef marka má fréttir.