Það skiptir breska tónlistarmanninn Harry Styles litlu máli hvort föt séu ætluð konum eða körlum og það sýndi hann og sannaði á Brit-verðlaunahátíðinni í vikunni.
Eftir rauða dregilinn skipti hann úr brúnum jakkafötum yfir í skærgul jakkaföt. Gulu jakkafötin, eða dragtin er úr sumarlínu Marc Jacobs og stíluð á konur.
Líkt og konur hafa oft teygt sig yfir í herrafatadeildina teygði Styles sig yfir í dömufatadeildina og útkoman var hreint út sagt mögnuð. Þessi gula dragt kemur einstaklega vel út á honum og fjólubláa silkiskyrtan passar vel við.