Uppáhaldsskór Katrínar hertogynju

Sumarið er formlega gengið í garð þegar Katrín hertogynja af Cambridge er byrjuð að ganga í uppáhalds sumarskónum sínum. Það eru ljósbrúnir „espadrilles“ sandalar með þykkum botni eða svokallaðir „wedges“ og bundnir um ökklana. Katrín virðist eiga nokkrar týpur.

Katrín hefur sést í skóm í þessum anda margoft, ár eftir ár og er óhætt að segja að þeir séu tímalausir sumarskór. Tegundin sem Katrín virðist helst nota er Carina espadrille wedges eftir Castañer en svo hefur líka sést til hennar í „espadrillum“ eftir LK Bennett. Ýmist eru skórnir bundnir eða ekki. 

Kostir þessara skóa eru að þeir eru bæði þægilegir og klassískir. Þeir ganga við allan klæðnað hvort sem um er að ræða gallabuxur eða síðkjóla.