Jennifer Aniston komin með ljóst hár

Jennifer Aniston er með ljósara hár en oft áður.
Jennifer Aniston er með ljósara hár en oft áður. Skjáskot/Instagram

Uppáhaldsvinkona allra, Jennifer Aniston, er komin með ljóst ár. Aniston birti mynd af sér á Instagram með hárgreiðslumanninum Chris McMillan og er hárið töluvert ljósara en það hefur verið áður. 

Fólk kýs oft að lýsa á sér hárið þegar það sumarið nálgast. Ljósa hárið tengist þó líklega því að Aniston undirbýr sig nú fyrir tökur á annarri þáttaröð af þáttunum The Morning Show en hún hlaut SAG-verðlaun fyrir frammistöðu sína í þáttunum í fyrra. 

Aniston er þekkt fyrir að skarta fallegu karamellubrúnu hári og hefur hár hennar iðulega ratað í tískutímarit í gegnum árin. Þegar hún lék í þáttunum Friends á sínum tíma fóru ófáar konur með mynd af henni í klippingu og báðu um eins hár. 

Jennifer Aniston er þekkt fyrir að skarta fallega karamellubrúnu hári.
Jennifer Aniston er þekkt fyrir að skarta fallega karamellubrúnu hári. AFP



mbl.is