Fræga fólkið hefur löngum skreytt á sér neglurnar. Í dag eru það ekki bara konur sem naglalakka sig heldur hafa karlar lakkað á sér neglurnar í ríkari mæli. Íslenski tónlistarmaðurinn Aron Can er enginn eftirbátur erlendra listamanna á því sviði. 

Þótt það hafi aðallega verið rokkarar sem hafa naglalakkað sig í gegnum tíðina, þá hefur tískan fært sig yfir í fleiri tónlistarstefnur og á rauða dregilinn. 

Fyrir þá sem vilja prófa sig áfram þá mælum við með að velja einfaldan lit og byrja þar. Síðan er líka hægt að prófa það sem til er á heimilinu. Áhrifavaldar samfélagsmiðla bæði erlendis og hérlendis hafa tekið fagnandi á móti þessari tískubylgju.