Tískuvikan í París er nýhafin en margir telja hápunkt vikunnar hafa verið náð á miðvikudaginn þegar tónlistarkonan Cher lokaði sýningu Balmain. Cher sem er 76 ára leit út eins og unglamb í þröngum heilgalla frá franska tískuhúsinu. 

Cher var í níðþröngum galla með stórum axlapúðum. Gallinn er hluti af vor og sumarlínu næsta árs. Það var yfirhönnuðurinn Olivier Rousteing sem hannaði línuna og fagnaði hann ofurstjörnunni vel í lokinn þegar hún klæddist gallanum.

Fötin sem löggilta gamalmennið Cher sýndi líkist fötum sem raunveruleikastjarnan Kim Kardashian er meðal annars vön að klæðast frá Balmain. Það er greinilega hægt að vera töff og tolla í tískunni á áttræðisaldri. 

Tískusýning Balmain í París