Katrín prinsessa af Wales mætti til messu í Sandringham á Englandi ásamt öðrum í bresku konungsfjölskyldunni. Oft klæðast konurnar í fjölskyldunni fallegum nýjum kápum við tilefnið en Katrín ákvað að spara og hugsa um umhverfið í ár.
Græna kápan sem Katrín klæddist á jóladag er frá breska merkinu Alexander McQueen að því er fram kemur á vef Elle og er hún sögð sérsaumuð. Prinsessan klæddist meðal annars kápunni í opinberri heimsókn í Bradford í janúar 2020. Kápan er í afgerandi hermannastíl og nokkuð nútímaleg.
Við kápuna var Katrín með stóran hátt með fjöður og skrautlega hangandi eyrnalokka. Hún var svo í brúnum stígvélum sem voru einnig kunnugleg.