Leikarinn Regé-Jean Page úr Bridgerton er fallegasti maður í heimi samkvæmt vísindalegri aðferðafræði. Stærðfræðileg jafna sem búin var til í Grikklandi til forna var notuð til þess að mæla fegurð.
„Regé vann af því að hann er með klassískt og fallegt andlit og guðdómlegar augabrúnir,“ segir lýtalæknirinn Julian De Silva á vef Daily Mail. Að sögn De Silva fékk Page sérstaklega háa einkunn fyrir augun og hvar þau eru staðsett. „Fullkomlega mótaðar varir hans fengu líka háa einkunn og eina athugasemdin sem hann fékk var fyrir breidd og lengd nefsins.“
Mælikvarðinn hefur verið vinsæll í gegnum aldirnar og notaði Leonardo Da Vinci hann í sínum verkum. Vísindamenn hafa síðan notað formúluna til þess að útskýra hvað gerir manneskju fallega.
Þetta er ekki í fyrsta skipti á undanförnum árum sem reynt er að reikna út hver er fallegastur í heimi. Fyrir nokkrum árum var reynt að komast að því hver fallegasta kona í heimi væri. Fyrirsætan Bella Hadid þótti sú fallegasta.
Fleiri frægir karlmenn komust á lista. Hér má sjá tíu myndarlegustu mennina samkvæmt aðferðafræðinni og hversu háa einkunn þeir fengu.
1. Leikarinn Regé-Jean Page – 93,65%
2. Leikarinn Chris Hemsworth – 93,53%
3. Leikarinn Michael B. Jordan – 93,46%
4. Tónlistarmaðurinn Harry Styles – 92,30%
5. Knattspyrnumaðurinn Jude Bellingham – 92,22%
6. Leikarinn Robert Pattinson – 92,15%
7. Leikarinn Chris Evans – 91,92%
8. Leikarinn George Clooney – 89,91%
9. Leikarinn Henry Golding – 87,98%
10. Leikarinn Dwayne Johnson – 86,07%