Risastórar rósir voru í aðalhlutverki á tískusýningu Chanel í París í vikunni þegar haust- og vetrarlína franska tískuhúsins vara sýnd. Aðeins örfáum dögum áður svipti Samfylkingin hulunni af nýju merki flokksins, sem var einmitt líka rós.
„Ég er stolt af nýju rósinni og nýja útlitinu og vil þakka Sigga Odds kærlega fyrir vel unnið verk,“ sagði Kristrún Frostadóttir, formaður Samfylkingarinnar, um nýja merkið á flokkstjórnarfundi um síðustu helgi. Siggi er grafískur hönnuður sem býr og starfar sem hönnunarstjóri í New York.
Það eru greinilega fleiri hrifnir af rauðu rósinni en jafnaðarmenn á Norðurlöndunum. Chanel er það líka. Hér fyrir neðan má sjá glæsilegar flíkur á tískusýningunni í París.