Heimir Hallgrímsson, landsliðsþjálfari í knattspyrnu, gerir sex breytingar á byrjunarliði Íslands á milli leikja við Indónesíu, en þjóðirnar eigast við í síðasti vináttuleik sínum í Jakarta og hefst leikurinn klukkan 12 að íslenskum tíma.
Ísland vann fyrri vináttuleikinn 6:0 á fimmtudag en á milli leikja halda þeir Samúel Kári Friðjónsson, Hólmar Örn Eyjólfsson, Ólafur Ingi Skúlason, Arnór Ingvi Traustason og Andri Rúnar Bjarnason sæti sínu.
Inn koma þeir Rúnar Alex Rúnarsson í markið, Jón Guðni Fjóluson og Felix Örn Friðriksson í vörnina, Aron Sigurðarson og Arnór Smárason á miðjuna og Kristján Flóki Finnbogason í sóknarlínuna.
Byrjunarliðið er þannig skipað:
Mark: Rúnar Alex Rúnarsson
Vörn: Samúel Kári Friðjónsson, Jón Guðni Fjóluson, Hólmar Örn Eyjólfsson, Felix Örn Friðriksson.
Miðja: Aron Sigurðarson, Ólafur Ingi Skúlason, Arnór Smárason, Arnór Ingvi Traustason
Sókn: Kristján Flóki Finnbogason, Andri Rúnar Bjarnason.
Fylgst verður með gangi mála í beinni textalýsingu hér á mbl.is.