Knattspyrnusamband Íslands hefur fallist á beiðni FH um að leik liðsins við KR í undanúrslitum Lengjubikars karla verði frestað.
Liðin áttu upphaflega að mætast á laugardaginn klukkan 14, en nýr leiktími er laugardaginn 30. mars. Fer leikurinn fram á KR-velli.
FH óskaði eftir að leiknum yrði frestað vegna landsliðsverkefna, en til að mynda eru þrír leikmenn FH nú í landsliðsverkefni með Færeyjum.
Þessi breyting hefur jafnframt þau áhrif að leikdagur fyrir úrslitaleikinn verður staðfestur þegar fyrir liggur hvaða lið leika til úrslita.