„Við töluðum okkur saman í hálfleik og ákváðum að koma miklu sterkari til baka,“ sagði Barbára Sól Gísladóttir leikmaður Selfoss eftir 2:1 tap fyrir Breiðabliki í Kópavoginum í kvöld þegar leikið var í 11. umferð efstu deildar kvenna í knattspyrnu, Pepsi-deildinni.
Selfoss var án taps í síðustu fjórum umferðum. „Mér fannst þetta svekkjandi tap, við áttum ekki okkar besta leik fyrir hlé en komum sterkar til baka í seinni hálfleik, unnum hann en það dugði ekki til. Við töldum okkur alveg eins möguleika gegn Breiðabliki og ætluðum að vinna, það er á hreinu. Við ætluðum að halda okkar striki í deildinni svo þetta var mjög svekkjandi að þetta gekk í kvöld,“ bætti Barbára við.