Garðar Örn Hinriksson, fyrrverandi knattspyrnudómari, gagnrýndi íslensku dómarastéttina harðlega í hlaðvarpsþættinum Mín skoðun í dag.
Garðar lagði flautuna á hilluna árið 2016 eftir að hafa greinst með Parkinson-sjúkdóminn en hann gekk iðulega undir nafninu Rauði baróninn.
Hann var alþjóðlegur FIFA-dómari frá 2004 til 2009 og var þrívegis valinn besti dómari efstu deildar; árin 2004, 2006 og 2007.
„Menn eru bara misjafnir, sumir höndla þetta og aðrir ekki,“ sagði Garðar.
„Það vantar pung í 90% af þessum dómurum og meirihluti þeirra er af þessari aumingjakynslóð svokallaðri,“ sagði Garðar meðal annars í þættinum.