KFG er komið upp í toppsæti 3. deildar karla í fótbolta eftir 3:1-útisigur á KFS í Vestmannaeyjum í kvöld.
Jóhann Ólafur Jóhannsson, Birgir Ólafur Helgason og Hlynur Már Friðriksson komu KFG í 3:0 áður en Eyþór Orri Ómarsson minnkaði muninn fyrir KFS á 76. mínútu.
Kormákur/Hvöt fór upp úr fallsæti með 3:2-heimasigri á Elliða á Blönduósvelli. Ingvi Rafn Ingvarsson var í miklu stuði og skoraði öll þrjú mörk heimamanna.
Pétur Óskarsson gerði fyrra mark Elliða er hann minnkaði muninn í 2:1 og Daníel Steinar Kjartansson seinna markið þegar hann minnkaði muninn í 3:2.
Þá skildu Sindri og Augnablik jöfn á Hornafirði, 1:1. Hermann Þór Ragnarsson kom Sindra yfir á 14. mínútu en Arnar Laufdal Arnarsson jafnaði á 19. mínútu og þar við sat.
Staðan: