Toppliðið missteig sig

Fjölnir, topplið 1. deildar karla í fótbolta, þurfti að sætta sig við eitt stig er Grótta heimsótti liðið í Egilshöllina í kvöld.

Pétur Theódór Árnason kom Gróttu yfir á 10. mínútu, en Axel Freyr Harðarson sá til þess að staðan væri jöfn í hálfleik með marki á 44. mínútu, 1:1.

Tómas Johannesen kom Gróttu aftur yfir á 54. mínútu, en aðeins þremur mínútum síðar jafnaði Máni Austmann Hilmarsson og þar við sat.

Liðin skiptu einnig með sér stigunum í Njarðvík, þar sem Njarðvíkingar mættu Selfyssingum. Urðu lokatölur 1:1.

Guðmundur Tyrfingsson kom Selfossi yfir á 17. mínútu, en Malasíumaðurinn Luqman Hakim jafnaði á 84. mínútu og þar við sat.  

Staðan:

1. Fjölnir 14
2. Afturelding 13
3. Selfoss 10
4. Grindavík 10
5. Þór 9
6. Grótta 7
7. Vestri 5
8. Njarðvík 5
9. ÍA 5
10. Þróttur R. 4
11. Leiknir R. 3
12. Ægir 1

• Blogga um frétt