Moyes bendir á það augljósa (myndskeið)

Fyrrverandi knattspyrnustjóri Everton og Manchester United, David Moyes, var sérfræðingur hjá Sky Sports vegna leiks Everton og Manchester City í enska deildabikarnum í kvöld. Einhverjum þóttu ummæli hans fyrir leik einkar skemmtileg.

„Að komast í undanúrslit gefur þér möguleika á því að komast í úrslit. Að komast í úrslit gefur þér möguleika á því að vinna keppnina,“ sagði Moyes fyrir leikinn í kvöld sem Everton vann, 2:1.

Moyes er ekki starfandi sem knattspyrnustjóri í augnablikinu en hann var rekinn frá spænska félaginu Real Sociedad í byrjun nóvember eftir eitt ár í starfi.

Myndskeið með ummælunum athyglisverðu má sjá hér að neðan:

• Blogga um frétt