Tottenham áfrýjar rauða spjaldi Sons

Tottenham hefur áfrýjað rauða spjaldinu sem S-Kóreumaðurinn Son Heung-min fékk að líta í seinni hálfleik í viðureign Everton og Tottenham í ensku úrvalsdeildinni í gær.

Son braut á André Gomes sem í kjölfarið lenti í hörðu samstuði við Serge Aurier með þeim afleiðingum að Gomes ökklabrotnaði.

Frétt af mbl.is

Son fær sálfræðihjálp

Martin Atkinsson, dómari leiksins, tók fyrst upp gula spjaldið en eftir að hafa séð ástandið á Gomes skipti hann um skoðun og rak S-Kóreumanninn af velli.

Son var algjörlega miður sín eftir aftvikið grét inni á vellinum áður en hann fór inn í búningsklefann. Rautt spjald þýðir sjálfkrafa þriggja leikja bann og ef rauða spjaldið stendur mun hann missa af leikjum sinna manna gegn Sheffield United, West Ham og Bournemouth.

• Blogga um frétt