Tyrkneski framherjinn Cenk Tosun hefur verið sendur aftur til Everton frá Crystal Palace vegna hnémeiðsla sem hann varð fyrir á æfingu með Palace í vikunni. Tosun var að láni hjá Palace frá Everton.
Tosun fór til Palace að láni í janúar og hafði Palace möguleika á að kaupa hann eftir tímabilið. Nú er hins vegar óljóst hvort forráðamenn Palace hafi áhuga á að kaupa Tyrkjann, sem verður frá út allt tímabilið vegna meiðslanna.
Sóknarmaðurinn skoraði eitt mark í fimm leikjum með Palace. Hann skoraði aðeins níu mörk í 44 leikjum fyrir Everton eftir að liðið keypti hann frá Besiktas á 27 milljónir punda fyrir tveimur árum. Þá hefur hann skorað 16 mörk í 40 landsleikjum með Tyrklandi.