Slæmar fréttir fyrir aðdáendur leiksins

Ævintýra- og skotleikjaserían Far Cry virðist ekki vera að fá nýja viðbót á næstunni. Twitter-notandinn „ScriptLeaksR6“ sem hefur áður tjáð sig á samfélagsmiðlinum um leikjaseríuna segir að lítið sé að frétta af framvindu leiksins og ekki sé verið að vinna í honum.

Fjárhagsvandræði

Síðastliðin ár hefur leikjaframleiðandinn Ubisoft sinnt leikjaseríunni vel og gefið út marga leiki, nánast annað hvert ár. Far Cry 6 er nýjasti leikurinn í þessari leikjaseríu og það virðist sem svo að framleiðendurnir ætli að reyna halda þeim leik lengur á lífi en forverum hans.

Ubisoft hefur ekki átt sjö dagana sæla síðustu mánuði en fyrirtækið hefur þurft að segja upp starfsfólki og hætt við verkefni vegna fjárhagsvandræða. 

Frétt af mbl.is

Erfitt uppdráttar hjá tölvuleikjaframleiðanda

Far Cry 7 virðist ekki vera í framleiðslu núna en síðustu tíu ár hefur röð leikja frá Ubisoft ávallt verið sú sama og staðist, alltaf eftir útgáfu Far Cry leikja koma út smærri titlar í von um að þeir fái tækifæri á tölvuleikjamarkaðinum.

Næsti leikur frá Ubisoft gæti því verið smærri leikur en Far Cry 7.

• Blogga um frétt