Heyrir Kimi Räikkönen sögunni til sem kappakstursmaður? Allavega í formúlu-1? Altjent er búið að kalla á varamann hans hjá Alfa Romeo frá Bandaríkjunum til að aka í hans stað í belgíska kappakstrinum um helgina.
Marcus Ericsson keppir ekki með liði sínu í bandarísku IndyCar mótaröðinni því Alfa Romeo hefur kallað hann til starfa í Spa Francorchamps. Með forvera liðsins, Saubre, keppti Ericsson undanfarin ár. Missti hann sæti keppnismanns við lok síðustu vertíðar en þáði í staðinn starf varamanns hjá Alfa þótt hann færi vestur um haf til keppni.
Gæti Ericsson því verið að snúa aftur til keppni með Alfa Romeo í mótunum sem eftir eru ársins en bæði liðið og ökumenn þess hafa forðast að tjá sig um þetta mál.