Nú rétt í þessu var dregið í umspil Evrópuþjóða um sæti á heimsmeistaramótinu í knattspyrnu sem fram fer í Rússlandi næsta sumar.
Í pottinum voru þær átta þjóðir sem voru með bestan árangur í öðru sæti í undanriðlunum níu í Evrópu. Sæti í lokakeppninni eru því í boði fyrir sigurvegarana fjóra.
Viðureignirnar eru sem hér segir, en leikið er heima og heiman 9.-14. nóvember næstkomandi. Innan sviga er staða liðanna á heimslista FIFA.
Norður-Írland (23) – Sviss (11)
Króatía (18) – Grikkland (47)
Danmörk (19) – Írland (26)
Svíþjóð (25) – Ítalía (15)