Celtic fékk skell eftir 69 leiki án taps

Brendan Rodgers tapaði í skosku úrvalsdeildinni í dag. Í fyrsta ...
Brendan Rodgers tapaði í skosku úrvalsdeildinni í dag. Í fyrsta skipti. AFP

Celtici tapaði í dag sínum fyrsta deildarleik undir stjórn Norður-Írans Brendan Rodgers í skosku úrvalsdeildinni í knattspyrnu er Hearts skellti Celtic  4:0 í Edinborg.

Rodgers hefur stýrt liðinu frá maí 2016 en þá tapaði liðið einmitt síðast fyrir daginn í dag en liðið hafði leikið 69 leiki í röð á ósigurs.

Hinn 16 ára gamli Harry Cochrane og Kyle Lafferty komi liðinu í 2:0 í fyrri hálfleik og Manuel Milinkovic skoraði tvö í síðari hálfleik.

Celtic hefur 41 stig í 1. sætinu en Aberdeen hefur 39 stig í 2. sæti. Hearts er í 5. sæti með 27 stig.

mbl.is