Ögmundur Kristinsson lék allan tímann í markinu hjá Larissa sem hafði betur gegn Giannina í efstu deild Grikklands í fótbolta í dag.
Lokatölur urðu 2:0, Larissa í vil, og hélt Ögmundur því hreinu í fjórða skipti á leiktíðinni.
Larissa hefur nú leikið fjóra leiki í röð án taps og er liðið í 10. sæti með 11 stig eftir 10 umferðir. Ögmundur er búinn að spila alla leiki Larissa á tímabilinu frá upphafi til enda.