Hlutabréfin í ítalska meistaraliðinu Juventus hækkuðu um rúmlega 20% á hlutabréfamarkaðnum í Mílanó í morgun, degi eftir að Cristiano Ronaldo skaut Juventus í átta liða úrslit Meistaradeildar Evrópu í knattspyrnu.
Juventus sló spænska liðið Atlético Madrid út samanlagt 3:2 en Ronaldo skoraði öll þrjú mörk liðsins.
Juventus sem stefnir hraðbyri að ítalska meistaratitlinum áttunda árið í röð hefur ekki unnið Evrópumeistaratitilinn í 23 ár eða frá því liðið hampaði titlinum árið 1996.