Riyad Mahrez, leikmaður Manchester City, skoraði frábært mark þegar hann tryggði Alsír farseðilinn í úrslitaleikinn í Afríkukeppninni í fótbolta eins og fram kom á mbl.is í gærkvöld.
Alsír hafði betur gegn Nígeríu 2:1 og skoraði Mahrez sigurmarkið með skoti beint úr aukaspyrnu á fimmtu mínútu í uppbótartíma en markið má sjá í meðfylgjandi myndskeiði.
Alsír mætir Senegal í úrslitaleiknum í Kaíró á föstudagskvöldið.