José Mourinho hafnaði tilboði frá franska knattspyrnuliðinu Lyon um að taka við þjálfun liðsins. Frá þessu greinir franski miðillinn RMC Sport.
Lyon er í þjálfaraleit eftir að Sylvinho var rekinn frá störfum sem þjálfari liðsins um síðustu helgi. Forráðamenn Lyon settu sig í samband við Mourinho sem hafnaði tilboði félagsins þar sem hann vill komast í starf á Englandi þar sem fjölskylda hans býr. Mourinho var rekinn frá Manchester United í desember.
Laurent Blanc sem þjálfaði franska landsliðið og síðar Paris SG þykir líklegastur til að taka við þjálfarastarfinu hjá Lyon.