Lionel Messi var á skotskónum þegar Barcelona fékk Osasuna í heimsókn í spænsku 1. deildinni í knattspyrnu í dag.
Leiknum lauk með 4:0-sigri Barcelona en Messi skoraði fjórða mark Barcelona á 73. mínútu.
Martin Braithwaite og Antoine Griezmann skoruðu sitt hvort markið fyrir Barcelona í fyrri hálfleik.
Philippe Coutinho bætti svo við þriðja markinu í upphafi síðari hálfleiks áður en Messi innsiglaðir sigurinn.
Barcelona fer með sigrinum upp í sjöunda sæti deildarinnar og er nú með 14 stig eftir níu leiki, sjö stigum minna en topplið Real Sociedad.
Ríkjandi Spánarmeistarar í Real Madrid eru með 17 stig í fjórða sæti deildarinnar en Barcelona á leik til góða á Real Madrid.