Barbára Sól Gísladóttir skoraði mark Bröndby í dag þegar liðið sótti Thisted heim í dönsku úrvalsdeildinni í knattspyrnu.
Barbára, sem kom til liðs við Bröndby frá Selfossi í sumar, skoraði fyrsta mark leiksins á 14. mínútu. Það dugði þó skammt því Thisted sneri leiknum sér í hag og sigraði 3:1.
Þetta er annað mark Barbáru fyrir Bröndby í deildinni en en Bröndby er þar í fjórða sæti með tíu stig að sjö umferðum loknum.