Kristian Nökkvi Hlynsson skoraði fyrsta mark U19-ára liðs Ajax þegar liðið vann þægilegan sigur gegn Besiktas í Evrópukeppni unglingaliða í Amsterdam í dag.
Leiknum lauk með 3:1-sigri Ajax en Kristian Nökkvi kom Ajax yfir á 35. mínútu með laglegu skoti úr teignum.
Kristian Nökkvi, sem er einungis 17 ára gamall, lék allan leikinn á miðsvæðinu hjá Ajax en hann hefur leikið með varaliði Ajax, Jong Ajax, í hollensku B-deildinni á tímabilinu ásamt því að leika með U19-ára liðinu í Evrópukeppninni.
Kristian Hlynsson (@KristianNokkvi) scores the first goal for @AFCAjax in the @UEFAYouthLeague vs. Besiktas. 🇮🇸⭐️👌 https://t.co/daeEkzR9Tv
— Magnus Agnar Magnusson (@totalfl) September 28, 2021