Karatefólkið Iveta Ivanova og Ólafur Engilbert Árnason var í dag útnefnt íþróttafólk Fylkis í áramótakaffi félagsins í Fylkishöll.
Iveta var m.a. Íslandsmeistari, sigraði á Smáþjóðaleikunum og á Reykjavíkurleikunum og er í 54. sæti heimslistans í sínum flokki. Hún var útnefnd karatekona ársins 2017 af Karatesambandi Íslands.
Ólafur sigraði m.a. á Reykjavíkurleikunum og opna Álaborgarmótinu, og fékk silfur á Smáþjóðaleikunum og Norðurlandamótinu. Hann er í 35. sæti heimslistans í sínum flokki.